西拉雅.馬卡道.放索社

關於部落格
母語, 政治漫畫, 其他.
  • 1604

    累積人氣

  • 0

    今日人氣

    0

    訂閱人氣

Lán 是猫á neh!!

Chit 三隻土狗因為看 bē 慣勢猫á ê 一寡行為, bat kap 猫á 起過衝突. M̄-koh 猫á khah 奸巧, mā khah ū 經驗, 結果 choâiⁿ kā 三隻土狗 phah kah 叫 m̄ 敢.
這三隻土狗因為看不慣貓的一些做為,曾經跟貓群起過衝突。不過,貓比較奸詐,也比較有經驗,結果這三隻土狗被打得七零八落,不敢再反抗。

自從 phah 輸了後, 三隻土狗 to̍h 一直 hō· 猫á chia̍h死死. 一切 lóng 聽猫á ê 命令, 甚至連 chia̍h 啥物物件 lóng 是猫á teh 決定. 最後, 猫á 竟然 kā 土狗講 bē-tàng koh au̍h-au̍h 叫, 因為真歹聽. 為著提昇氣質, mā 為著方便 ta̍k-ke 講話, 所以規定三隻土狗 mā 著愛學猫á miau-miau 叫.
自從打輸之後,三隻土狗就一直被貓吃得死死的。一切都聽貓的命令,甚至連要吃什麼東西都是由貓來做決定。最後,貓群竟然要土狗們不能再嗷嗷叫,因為很難聽。為了提昇氣質,也為了方便大家溝通,所以規定三隻土狗都得學貓兒喵喵叫。

三隻土狗只好拼命練習, 希望 ē-tàng kap 猫á kāng款 miau-miau 叫. M̄-koh 因為自細漢 to̍h au̍h-au̍h 叫慣勢 ah, soah bô 法度真正發出猫á 聲, miau-miau 變成 mau-mau. 因為 án-ne, 猫á soah 來講 che 是因為狗á 生成 khah gōng, bē-hiáu 發出高級 ê 猫á 聲. 結果 chit 種烏白講 ê 指控, 竟然更加打擊著三隻土狗 ê 自信.
三隻土狗只好拼命練習,希望能夠跟貓一樣喵喵叫。但是因為從小嗷嗷叫習慣了,沒辦法發出標準的貓叫聲,喵喵變成貓貓。因為如此,貓群竟然說這是因為土狗天生比較笨,無法發出高級的貓叫聲。結果這種胡亂的指控,竟然更加打擊了三隻土狗的自信。

Chit 三隻土狗開始相信, 出世做一隻狗á 是真見笑 ê 代誌, 應該著愛生做猫á chiah tio̍h, chiah ū 出脫.
這三隻土狗開始相信,生而成為一條狗,是非常丟臉的事情,應該出生為貓才是、才能出頭天。

經過幾落冬, 其中一隻土狗發覺著 m̄ tio̍h ê 所在. 伊一再思考, 發覺 ka-tī 原底就是狗á, án-choáⁿ to̍h 愛學猫á, án-choáⁿ bē-sái kap éng過 sio-kāng, 自由自在 au̍h-au̍h 叫?
過了好幾年,其中一隻土狗發現不對之處。牠一再思考,發現自己原本就是狗兒,為何一定得學貓?為什麼不能跟過去一樣,自由自在地嗷嗷叫?

所以伊開始恢復本底屬於狗á ê 叫聲. 一開始因為 siuⁿ 久 bô 叫, soah ū 淡薄á gāi-gio̍h gāi-gio̍h, 甚至 ū tang-sî-á ē bē 記得 án-choáⁿ 叫. 經過一段時間 ê "復建", 伊總算是 chhōe 轉來屬於 ka-tī 本底 ê 叫聲, 伊感覺真爽快.
所以牠開始恢復原本屬於狗兒的叫聲。一開始因為太久沒叫,而有點彆扭,甚至有時候會忘記怎麼叫。經過一段時間的「復建」,牠總算找回屬於自己原本的叫聲,牠覺得很爽快。

另外2隻土狗, ū 一隻 koh leh tiû-tû, 因為伊驚 án-ne ē hō· 猫á 生氣. 伊 tiāⁿ 講: "M̄ 好 lah, lán nā lóng 一直 au̍h-au̍h 叫, 猫á 可能 ē 聽 bô, án-ne 對猫á 歹勢 lah..."
另外兩隻土狗,有一隻還在猶豫,因為牠怕如此一來,貓兒會生氣。牠常說:「不好啦,我們如果都這樣嗷嗷叫,貓可能會聽不懂,這樣對牠們不好意思... 」

Chhun-ê hit 隻土狗, 根本 bô 想 beh koh 恢復伊本底 ê 叫聲. 伊感覺原底 ê 狗á 叫聲真正是足粗俗--ê, ē 降低伊 ê 氣質 kap 水準. 而且伊 chit-má 已經足厲害--ê ah, 完全 ē-tàng 發出標準 ê 猫á 聲. Chit 點 hō· 伊感覺足 ū 面子--ê, 所以伊一聽著伊 ê 朋友 tng leh phah-piàⁿ 恢復 éng陣 ê 狗á 聲 ê 時, 伊笑 kah 東倒西歪. 伊講:
剩下的那隻土狗,則根本不想要再恢復牠原本的叫聲。牠覺得原本的狗叫聲實在很粗俗,會降低牠自己的氣質與水準。而且牠現在已經非常厲害了,完全能夠發出標準的貓叫聲。這一點讓牠覺得很有面子,所以牠一聽到牠的同伴正在努力恢復以前的狗叫聲時,笑得東倒西歪,牠說:

"頭殼 pháiⁿ--去 m̄-chiah án-ne. 學啥物狗á au̍h-au̍h 叫?? 愛 chai-iáⁿ, lán 是猫á neh!!"
「又不是腦袋有問題。學什麼狗叫聲?要知道,我們是貓耶!!」
相簿設定
標籤設定
相簿狀態